Book review 8- the secret garden

 கதை: the secret garden

ஆசிரியர்:Frances Houston Burnett


அதிகாரத் தொனியில் பணக்கார குழந்தையாக வளர்க்கப்படும், மேரி என்னும் சிறுமியின் வாழ்வு எவ்வாறு ஒரு தோட்டத்தால் மாறுகிறது என்பதே கதையின் கரு.


ஆங்கிலேய நாடுகளில் இன்றளவிலும் இக்கதையை குழந்தைகளுக்கு கூறி வளர்க்கின்றனர். ஆங்கிலேய ஆதிக்கத்தில் இந்தியா இருந்தபோது மேரி இங்கு ஓர் ஆங்கிலேய தம்பதிக்கு பிறக்கிறாள். செல்வத்தில் மூழ்கி எழும் அவள், அன்பின் அலையே படாமல் வளர்கிறாள். மற்றவர்களை அதிகாரம் செய்தே வாழ பழகுகிறாள்.


 திடீரென்று அவளது பெற்றோரும் வேளையாட்களும் காலரா என்னும் கொடிய நோயால் இறக்க, தனித்து விடப்படும் அவள், லண்டனில் இருக்கும் உறவினர் வீட்டிற்கு கொண்டு செல்லப் படுகிறாள். அவளை பார்த்து கொள்ளும் மார்தா என்னும் வேலைக்காரப் பெண், தனது பெரிய குடும்பத்தை பற்றியும் கடைசி தம்பி டிக்கன் பற்றியும் அதிகமாக பேச, அச்சிறுவனை அவன் நண்பன் போல கருதுகிறாள்.


அவள் இருக்கும் பண்ணை வீடு, பல பல அறைகளை கொண்ட பல மர்மங்கள் நிறைந்திருக்கும் ஒரு வீடு. பத்து வருடங்களுக்கு முன் ,அவ்வீட்டின் ராணி இறக்க, அவள் போற்றி வளர்த்த தோட்டத்தை தாழிட்டு பூட்டி சாவியை எங்கோ புதைத்து வைத்திருப்பதாக மேரி அறிகிறாள்.


அங்கிருக்கும் பல தோட்டங்களில் அவள் உலவி வரும் நேரத்தில்,இந்த இரகசிய தோட்டத்தின் சாவியைக் கண்டுபிடிக்கிறாள்.

இது ஒருபுறமிருக்க,பல இரவுகளில் அலறல் சத்தம்  ஒன்று அவளை எழுப்ப, அதனை பின்பற்றி செல்லும்போது அங்கு ஒரு சிறுவனை காண்கிறாள்.


 அவ்வீட்டு ராஜாவின் குழந்தை அது.அவன் எழுந்து கூட நடக்க முடியாமல் படுத்த படுக்கையாக இருப்பது தெரிகிறது . சொத்துக்களை அபகரிக்க ,இல்லாத பல நோய்களை இருப்பதாக கூறி இந்நிலையில் அவனை வைத்திருக்கும் மருத்துவரையும் பார்க்கிறாள்.


அச்சிறுவனோடு டிக்கனையும் அழைத்துக்கொண்டு, அந்த ரகசிய தோட்டத்தில் விளையாட முற்படுகிறாள். அச்சிறுவனை எழ வைத்து நடக்க வைப்பதும், சுற்றி இருக்கும் செடிகளுக்கு உயிர் கொடுப்பதும், எல்லார் முன்பும் அவனை கொண்டு சென்று நிறுத்துவதும் மீதி கதை.


மேரி தோட்டத்தோடு ஒன்றி செடிகள் நடுவதைப் பற்றியும், அதை வளர்வதைப் பற்றியும் படிக்கும் பொழுது, நாம் ஏன் இதுபோல செடி வளர்க்கக் கூடாது என்று எண்ணத் தோன்றும்.


அதிகாரமாக பேசி வளரும் மேரி, தன் அருகில் உள்ளோரை ரசிக்கவும் ,மதிக்கவும்  பழகிக்கொள்வது அழகாக விளக்கப்பட்டிருக்கிறது.டிக்கன் பறவைகளிடமும் விலங்குகளிடமும் பேசும் காட்சிகள்,மேரிக்கு மட்டுமல்ல நமக்கும் அவன்பால் அன்பை சுரக்க வைக்கிறது.


தத்ரூபமாக அம்மாளிகையும் அதில் உள்ளோரும் நம் கண்முன் விரிகிறார்கள். சிறார்கள் மட்டுமல்ல பெரியவர்களும் படிக்க வேண்டிய கதை இது. மண்ணையும் அதில் வாழும் மரம் குருவி போன்ற அனைத்து உயிரினங்களின் சிறப்பையும் விளக்கும் அழகான கதை.#comics #காமிக்ஸ்


#ABOOKADAY #day8 #bookworm #bookstagram #bookaholic #ReviewinTamil #writerstag #writerscommunity #writersofindia #writersofinstagram #booksthatinspiredme #TheSecretGarden #vintagecollection #childrensbooks #franceshodgsonburnett

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

பலாமரம்

 மித்ரா செய்வது பைத்தியக்காரத்தனமாக தோன்றியது அம்மாவிற்கு.தன் பேச்சை யார் கேட்கப் போகிறார்கள் என்று திட்டிக்கொண்டே அன்றிரவு சமையல் செய்ய கிளம்பினார்.மித்ரா வீட்டிற்கு செல்ல பிள்ளை.வெகு காலமாய் மித்ராவின் பெற்றோருக்கு குழந்தை இல்லாமல் இருந்து பிறந்த பிள்ளை. அதனால் மித்ரா சொல்வதை மறுப்பதற்கு வீட்டில் யாரும் இல்லை.அப்படி அவள் விருப்பத்திற்கு மரியாதை கொடுத்ததற்கு அம்மா பலமுறை புலம்பியிருக்கிறார். மித்ரா படித்து பட்டம் பெற்று பெரிய நிறுவனத்தில் வேலையில் சேர்ந்ததும், மித்ராவின் பெற்றோர் பூரித்துப் போயினர்.ஆனால் ஆறு மாதமே அம்மகிழ்ச்சி நிலைத்தது. வேலை பிடிக்கவில்லை என்று எவர் பேச்சையும் கேட்காமல் அவள் வேலையை விட்டிருந்தாள். தனியாக தொழில் செய்யப் போவதாக அவள் கூறியதும், அம்மா அவளைத் திட்ட ஆரம்பித்தது இன்று வரை தொடர் கதை ஆகிவிட்டது. மித்ரா அம்மா அப்பாவிற்காக படித்து பட்டம் பெற்றது மட்டுமல்லாமல், அவர்கள் விருப்பப்படி வேலையிலும் சேர்ந்தாயிற்று. எனினும் என் வாழ்க்கை எவ்வகையிலும் எனக்கு ஆத்ம திருப்தி அளிக்கவில்லை.  பெங்களூர் வந்த இரண்டாம் மாதமே எனக்கு ஒன்று புலனாயிற்று.எனக்கு பிடித்ததை செய்ய...
மேலும் படிக்கவும்

Book review - perfectly imperfect

 Book name : Perfectly imperfect Author : Prabhu Subramanian QOTD: who comes to your mind when you face the most difficult situation in your life ? This is the story of Rohit Krishnan, a carefree Delhi guy based out of South India. The story begins with his messed-up life in school. He finds studies unbearable , hates teachers and love snookers.  When a typical Indian family wants a perfect kid, he land himself in troubles making his position worse.  Love and friendship plays its own stake in hurting him. Will he come out with flying colours or is this a story of his failure.. ?? I loved the way Rohit's family is described. A sensible father, sensitive mother and Caring yet cold sister. The emotions flowing between then could be found in many of our homes.  In short , you could relate this story with some of the "outstanding" fellows in your school who were most hated by the teachers. This could take you back to school days. 
மேலும் படிக்கவும்

Book review 10- when the clock strikes thirteen

  மூன்றாம் ஆண்டு விழா பதிவு : 3 கதை: when the clock strikes thirteen ஆசிரியர் : Ruskin Bond பத்மபூஷன் பத்மஸ்ரீ போன்ற விருதுகளைப் பெற்ற ரஸ்கின் பாண்டின் பல கதைகள் பாட புத்தகங்களில் இடம் பெற்றுள்ளது. இக்கதைத்தொகுப்பு பதினைந்து கதைகள் கொண்ட தொகுப்பு. இவற்றில் உள்ள அனைத்துக் கதைகளுக்கும் பொதுவாக அமைவன, அவற்றின் கதைகலன்களே.மலைவாழ் கிராமங்களில் வாழும் குழந்தைகள் பற்றியும் , அம்மக்களைப் பற்றியும் அவர் அதில் அழகாக வர்ணித்து இருப்பார் குறிப்பாக, Panther's moon இக்கதையில் வரும் பிஸ்ணு என்னும் சிறுவன் பள்ளி செல்ல எத்தகைய அபாயங்களை கடந்து போகிறான் என்பதையும் அவனது விடா முயற்சியையும் அழகாய் உணர வைத்திருப்பார்.இயற்கையோடு ஒன்றிய மக்களின் வாழ்வு அனைத்து குழந்தைகளும் படித்து புரிந்து கொள்ள வேண்டிய ஒன்று. A long walk for Bina இக்கதையின் கரு முந்தைய கதையைப் போலவே அமைந்தாலும், பீனா, பிரகாஷ் ஆகியோர் படிப்பதற்கு மேற்கொள்ளும் முயற்சிகள் நமது ஆர்வத்தை தூண்டுகிறது. அவர்களது ஆசிரியர் வளர்க்கும் தோட்டம் நம்மையும் செடிகள் நட வைக்கிறது. The cherry tree தாத்தாவும் பேரனும் சேர்ந்து வளர்க்கும் மரம் பற்...
மேலும் படிக்கவும்